ચાર વર્ષ સુધી ડેટ કર્યા પછી અભિનેત્રી આથિયા શેટ્ટીએ છેવટે પોતાના જીવનના પ્રેમ અને ક્રિકેટર કેએલ રાહુલ સાથે લગ્ન કરી લીધા છે. આ કપલે 23 જાન્યુઆરી 2023ના રોજ સુનીલ શેટ્ટીના ખંડાલા ફાર્મહાઉસમાં લગ્ન કર્યા હતા. તે એક સિમ્પલ વેડિંગ હતા, જેમાં માત્ર પરિવારના સભ્યો અને નજીકના મિત્રો જ શામેલ થયા હતા. લગ્ન પછી આથિયા અને રાહુલ તેમના લગ્નની તસવીરોથી ચાહકોને ખુશ કરી રહ્યા છે. આ ક્રમમાં આથિયાએ આજે એટલે કે 28 જાન્યુઆરી, 2023 ના રોજ તેના ઓફિશિયલ ઇન્સ્ટાગ્રામ હેન્ડલ પર પોતાની પ્રી-વેડિંગ સેરેમનીની નવી તસવીરો શેર કરી છે.
અથિયાએ પ્રી-વેડિંગ સેરેમનીની નવી તસવીરો કરી શેર: આથિયા શેટ્ટીએ પોતાના ઇન્સ્ટાગ્રામ પ્રોફાઇલ પર જે નવી પ્રી-વેડિંગ સેરેમની તસવીરો શેર કરી છે, તેમાં તે પિંક પલ્લુ અને ગોલ્ડન બોર્ડરવાળી પ્લેન ઑફ-વ્હાઇટ સાડીમાં ખૂબ જ સુંદર લાગી છે. તેણે તેને પિંક બ્લાઉઝ સાથે પેર કરી છે. અથિયાએ પોતાના વાળમાં બન બાંધી રાખ્યું છે અને તેનો મેકઅપ પણ ખૂબ જ સુંદર છે. આપણે તેને એક હેવી નેકલેસ અને કાનની બુટ્ટીઓ સાથે જોઈ શકીએ છીએ. અથિયાના હાથ પર મહેંદી લાગેલી છે. વિધિ દરમિયાન અભિનેત્રી શરમાતા જોવા મળે છે.
કેએલ રાહુલ-આથિયા શેટ્ટીની હલ્દી સેરેમની: આ પહેલા, અભિનેત્રીએ 27 જાન્યુઆરી 2023 ના રોજ પોતાની હલ્દી સેરેમનીની તસવીરો શેર કરી હતી. તેણે તસવીરો શેર કરતી વખતે કેપ્શનમાં ‘સુખ’ લખ્યું હતું. આ તસવીરોમાંથી એક તસ્વીરમાં કપલ હસતા જોવા મળી રહી છે, કારણ કે તે હલ્દીથી રંગાયેલા છે. અન્ય એક સુંદર તસવીરમાં આથિયા તેના ભાઈ અહાનના ચેહરા પર હલ્દી લગાવી રહી છે.
કેએલ રાહુલ અને આથિયા શેટ્ટીએ છેવટે લગ્ન કરી લીધા. ચાર વર્ષથી વધુ સમય સુધી ડેટિંગ કર્યા પછી, તેઓ છેવટે પોતાના સંબંધને આગલા લેવલ પર લઈ ગયા. તેમના લગ્ન ગુપચુપ રીતે થયા હતા, જેમાં બધું જ સીક્રેટ રાખવામાં આવ્યું હતું અને મહેમાનોએ નો ફોન પોલિસીનું પાલન કરવાનું હતું. લગ્ન પછી અથિયાએ મેરિડ કપલ તરીકેની પોતાની પહેલી તસવીર શેર કરી હતી. તેણે પૈપરાઝી માટે પણ પોઝ આપ્યા હતા. પોતાના ઇન્સ્ટાગ્રામ હેન્ડલ પર તસવીરો શેર કરતાં અભિનેત્રીએ લખ્યું હતું કે, “તમારા પ્રકાશમાં, હું પ્રેમ કરવાનું શીખી રહી છું. આભાર અને પ્રેમથી ભરેલા દિલ સાથે, અમે આ એકતાની યાત્રા પર તમારા આશીર્વાદ માંગીએ છીએ.”
આથિયા શેટ્ટી અને કેએલ રાહુલની લવ સ્ટોરી: આથિયા શેટ્ટીની કેએલ રાહુલ સાથે પહેલી મુલાકાત 2019માં એક કોમન ફ્રેન્ડ દ્વારા થઈ હતી. તેમણે કથિત રીતે તેના પર તરત જ લોક કર્યું અને મિત્રો બની ગયા હતા. સોશિયલ મીડિયા પર પોતાની સુંદર તસવીરો પોસ્ટ કર્યા પછી તેમના પ્રેમ સંબંધની અફવાઓ ઇન્ટરનેટ પર આગની જેમ ફેલાઈ ગઈ. આથિયા અને રાહુલે તેમના સંબંધને ઈન્સ્ટાગ્રામ પર ઓફિશિયલ બનાવી દીધો હતો, પરંતુ બંનેમાંથી કોઈએ પણ તેમના અંગત જીવન વિશે ખુલીને વાત કરી ન હતી.
આથિયા શેટ્ટીનું વર્ક ફ્રન્ટ: વર્ક ફ્રન્ટની વાત કરીએ તો આથિયા શેટ્ટી છેલ્લે 2019માં આવેલી ફિલ્મ ‘મોતીચૂર ચકનાચૂર’માં જોવા મળી હતી. આ ફિલ્મમાં તેણે નવાઝુદ્દીન સિદ્દીકી સાથે કામ કર્યું હતું. અભિનેત્રીએ 2015માં આવેલી ફિલ્મ ‘હીરો’માં સૂરજ પંચોલી સાથે બોલિવૂડમાં ડેબ્યૂ કર્યું હતું. અથિયા અર્જુન કપૂરની ફિલ્મ મુબારકાંનો પણ ભાગ હતી.
