ઈન્ડિયન આઈડલ ટીવીનો સૌથી પ્રખ્યાત સિંગિંગ રિયાલિટી શો છે અને તે દર્શકોની વચ્ચે ખૂબ લોકપ્રિય છે. “ઇન્ડિયન આઇડોલ 12” એ ઘણા રેકોર્ડ પોતાના નામે કર્યા હતા અને આ સિઝને ઘણા સ્પર્ધકોના સપના સાકાર કર્યા. ઈન્ડિયન આઈડલ 12 ની સીઝનમાં તમામ સ્પર્ધકોએ પોતાના સુરીલા અવાજથી લોકોની સાથે જ જજનું પણ દિલ જીતી લીધું હતું.
ભલે હવે “ઇન્ડિયન આઇડલ 12” સમાપ્ત થઈ ચુક્યું છે અને આ શોના વિજેતા પવનદીપ રાજન રહ્યા હતા. સાથે જ અરુણિતા કાંજીલાલ આ શોની રનર અપ રહી હતી. ઈન્ડિયન આઈડલ 12 પછી અરુણિતા કાંજીલાલની લોકપ્રિયતામાં નોંધપાત્ર વધારો થયો છે. હાલના સમયમાં તે કોઈ ઓળખની મોહતાજ નથી.
અરુણિતા કાંજીલાલે પોતાના મખમલી અવાજથી દરેકના દિલ જીતી લીધા હતા અને હવે અરુણિતા સોશિયલ મીડિયા સેન્સેશન પણ બની ચુકી છે. અરુણિતા કાંજીલાલના ગીતના દરેક લોકો દિવાના છે.
તમને જણાવી દઈએ કે ઈન્ડિયન આઈડલ 12માં પવનદીપ રાજન અને અરુણિતા કાંજીલાલની જોડીને દર્શકો દ્વારા ખૂબ પસંદ કરવામાં આવી હતી. આ બંનેની કેમેસ્ટ્રીએ દરેકનું દિલ જીતી લીધું હતું. આ શો પછી પવનદીપ રાજન અને અરુણિતા કાંજીલાલની લોકપ્રિયતામાં જોરદાર ઉછાળો જોવા મળ્યો હતો.
ઈન્ડિયન આઈડલ સીઝન 12માં પવનદીપ રાજન સાથે અરુણિતા કાંજીલાલની જોડી પણ ખૂબ જ જામી હતી. શો સમાપ્ત થયા પછી પવનદીપ રાજન અને અરુણિતા કાંજીલાલે સાથે મળીને ઘણા પ્રોજેક્ટ કર્યા છે. ઘણી વખત આ બંનેના લિંકઅપના સમાચાર પણ હેડલાઇન્સમાં રહ્યા હતા, પરંતુ અત્યાર સુધી તેને અફવા જ માનવામાં આવ્યા છે. અરુણિતા કાંજીલાલે પણ તેના પર કહ્યું હતું કે બંને વચ્ચે માત્ર એક સારી મિત્રતા છે.
હાલના સમયમાં અરુણિતા કાંજીલાલ સિંગિંગની દુનિયામાં જાણીતું નામ બની ચુકી છે અને તેમણે અત્યાર સુધી ઘણા પ્રોજેક્ટ પણ કર્યા છે, જેના દ્વારા તેણે ઘણી કમાણી પણ કરી લીધી છે. આજે અમે તમને આ લેખ દ્વારા તેમની સાથે જોડાયેલી કેટલીક મહત્વપૂર્ણ બાબતો વિશે જણાવવા જઈ રહ્યા છીએ. આ સાથે જ અમે જણાવીશું કે અરુણિતા કાંજીલાલ કુલ કેટલી સંપત્તિની માલિક છે.
18 જાન્યુઆરી, 2003ના રોજ બનગાવ, કોલકાતા, પશ્ચિમ બંગાળમાં જન્મેલી અરુણિતા કાંજીલાલે સ્કૂલનો અભ્યાસ સેંટ જેવિયર્સ સ્કૂલ, કોલકાતા થી કર્યો છે. સાથે જ બનગાઁવ કુમુદની ગર્લ્સ હાઈ સ્કૂલમાંથી તેમણે ઉચ્ચ માધ્યમિક પાસ કર્યું છે. અરુણિતા કાંજીલાલમાં સંગીતનું ટેલેંટ પરિવારમાંથી જ આવ્યું છે. તેમની માતાને પણ સંગીતમાં ખૂબ જ રસ હતો. તે એક સિંગર પણ હતી. બાળપણથી જ અરુણિતાનો રસ પણ સંગીત તરફ વધતો ગયો. માત્ર 4 વર્ષની ઉંમરમાં જ અરુણિતાએ શાસ્ત્રીય સંગીતની તાલીમ લેવાનું શરૂ કર્યું હતું.
તમને જણાવી દઈએ કે ટીવી રિયાલિટી શો અરુણિતા કાંજીલાલ માટે કંઈ નવું નથી. ટીવી પર પહેલીવાર અરુણિતાએ ઝી બાંગ્લાના ટેલિવિઝન શો સારેગામાપા લિટલ ચેમ્પ્સ 2013માં ભાગ લીધો હતો અને તે ત્યાંની વિજેતા પણ બની હતી. આ શો જીત્યા પછી અરુણિતા કાંજીલાલને પહેલી વખત પ્લેબેક સિંગિંગની તક મળી અને તેણે એક બંગાળી ગીત ગાયું, જેમાં તેની સાથે કુમાર સાનુ હતા. ફિલ્મનું નામ હતું ‘અપરિચિત’.
અરુણિતા કાંજીલાલે પોતાની કારકિર્દીની શરૂઆત માત્ર 10 વર્ષની ઉંમરથી કરી હતી. તે વર્ષ 2014માં ઝી ટીવીના સિંગિંગ રિયાલિટી શો સા રે ગા મા પા લિટલ ચેમ્પ્સમાં પણ જોવા મળી હતી. અહીં પણ તે શો જીતવામાં સફળ રહી હતી. તેમણે ટોપ 5માં પોતાની જગ્યા બનાવી હતી. ત્યાર પછી અરુણિતા કાંજીલાલના પગ આગળ વધતા ગયા અને ધીમે ધીમે તે દેશભરમાં પ્રખ્યાત થઈ ગઈ. ત્યાર પછી તેમણે પાછળ વળીને જોયું નથી.
અરુણિતા કાંજીલાલ “ઇન્ડિયન આઇડલ 12” થી ચર્ચામાં આવી છે. હાલના સમયમાં અરુણિતા કાંજીલાલ કોઈ ઓળખની મોહતાજ નથી અને તે સારી લાઈફસ્ટાઈલ મેંટેન કરે છે. જો આપણે અરુણીતા કાંજીલાલની સંપત્તિ વિશે વાત કરીએ તો, Arealnewsના સમાચાર મુજબ, અરુણિતા એકથી બે કરોડ રૂપિયાની સંપત્તિની માલિક છે.
અન્ય એક રિપોર્ટ મુજબ, અરુણિતા કાંજીલાલ એક ગીત ગાવા માટે 1 લાખ રૂપિયા ચાર્જ કરે છે. જો તે એક લાઈવ શો કરે છે તો તેના માટે તે 3 લાખ રૂપિયા જેટલી મોટી રકમ લે છે. અરુણિતા કાંજીલાલ કોલકાતામાં એક લક્ઝરી ઘરમાં રહે છે અને તેમની પાસે ઘણી કાર પણ છે, જેમાં ટાટા નેનો, ટાટા નેક્સન જેવી કાર શામેલ છે.
