‘સદીના મહાનાયક’, ‘બિગ બી’, ‘બોલિવૂડના શહેનશાહ’, ‘બોલિવૂડના એંગ્રી યંગ મેન ઓફ’ શ્રેષ્ઠઅને દિગ્ગજ અભિનેતા અમિતાભ બચ્ચને તેમના જીવનના આઠ દાયકા પૂરા કરી લીધા છે. અમિતાભ બચ્ચન જેવું કોઈ નથી. બિગ બી આજે પણ ફિલ્મી દુનિયામાં એક્ટિવ છે. દુનિયાભરમાં તેના ચાહકો છે.
અમિતાભ બચ્ચન દર વર્ષે 11 ઓક્ટોબરના રોજ તેમનો જન્મદિવસ સેલિબ્રેટ કરે છે. આજે (11 ઓક્ટોબર) બિગ બી 80 વર્ષના થઈ ગયા છે. મહાનાયકનો જન્મ 11 ઓક્ટોબર 1942ના રોજ અલ્હાબાદ (હાલ પ્રયાગરાજ)માં થયો હતો. અલ્હાબાદ છોડીને તે માયાનગરી મુંબઈ આવ્યા અને પછી તે આખી દુનિયા પર છવાઈ ગયા.
દુનિયાભરમાંથી અમિતાભ બચ્ચનને ચાહકો તેમના જન્મદિવસ પર શુભેચ્છાઓ આપી રહ્યા છે. બિગ બીના ઘરની બહાર રાત્રે જ ચાહકોની ભારે ભીડ એકઠી થઈ ગઈ હતી. પુત્રી શ્વેતા બચ્ચન નંદા સાથે અમિતાભ બચ્ચન ઘરની બહાર આવ્યા અને તેમના પ્રિયજનોનું અભિવાદન કર્યું. આજે પણ બિગ બીની લોકપ્રિયતામાં કોઈ ઘટાડો આવ્યો નથી.
અમિતાભ બચ્ચનનો જાદુ આજે પણ પહેલાની જેમ જ અકબંધ છે. 50 વર્ષ પહેલા પણ અમિતાભને ઘણો પ્રેમ અને સમ્માન મળતું હતું. જ્યારે આજે પણ એવા જ સીન જોવા મળી રહ્યા છે. ખૂબ ખ્યાતિ મેળવવાની સાથે બિગ બી એ ખૂબ સંપત્તિ પણ કમાઈ છે. ચાલો આજે તેમના જન્મદિવસ પર અમે તમને તેમની નેટવર્થ વિશે જણાવીએ.
‘શહેનશાહ’ પાસે છે. 3500 કરોડ રૂપિયાની સંપત્તિ: બિગ બી જેટલા લોકપ્રિય અને સફળ છે તેમની સંપત્તિ પણ તે દર્જા ની છે. તે ભારતીય સિનેમાના બીજા સૌથી અમીર અભિનેતા છે. આટલું જ નહીં, તેમની ગણતરી દુનિયાના ટોપ અભિનેતાઓમાં થાય છે. મીડિયા રિપોર્ટ્સ મુજબ બોલિવૂડના શહેનશાહની કુલ સંપત્તિ લગભગ 3500 કરોડ રૂપિયા છે.
દર વર્ષે કમાઈ લે છે 60 કરોડ રૂપિયા: અમિતાભ બચ્ચન કમાણીની બાબતમાં આજના મોટા સ્ટાર્સને પણ પાછળ છોડી દે છે. તે દર મહિને 5 કરોડ રૂપિયાની કમાણી કરી લે છે જ્યારે બિગ બી એક વર્ષમાં 60 કરોડ રૂપિયાની કમાણી કરી લે છે. ફિલ્મો ઉપરાંત, તેમની કમાણીનો મુખ્ય સ્ત્રોત તેમનો ટીવી શો ‘કૌન બનેગા કરોડપતિ’, બ્રાન્ડ એન્ડોર્સમેન્ટ્સ અને જાહેરાતો છે.
એક સમયે 800 રૂપિયા કમાતા હતા બિગ બી: બિગ બીને એક સમયે માત્ર 800 રૂપિયા મળતા હતા. બોલિવૂડમાં આવતા પહેલા તેમણે ઘણી જગ્યાએ કામ કર્યું હતું. આ સમય દરમિયાન તેમણે કોલકાતાની એક કંપનીમાં એક્ઝિક્યુટિવ તરીકે કામ કર્યું હતું. આ નોકરીમાં તેમને 800 રૂપિયા આપવામાં આવ્યા હતા.
એક-બે નહીં પરંતુ પાંચ બંગલાના માલિક છે સિનિયર બચ્ચન: ‘માયાનગરી’ મુંબઈમાં ભાડા પર ઘર મેળવવું પણ ખૂબ મુશ્કેલ હોય છે, જ્યારે બિગ બી મુંબઈમાં એક-બે નહીં પરંતુ પાંચ-પાંચ લક્ઝરી બંગલા ધરાવે છે. અમિતાભ પોતાના પરિવાર સાથે ‘જલસા’ બંગલામાં રહે છે. તેની કિંમત 120 કરોડથી 160 કરોડ રૂપિયાની વચ્ચે હોવાનું જણાવવામાં આવે છે. આ ઉપરાંત તેમના અન્ય ત્રણ બંગલાના નામ પ્રતિક્ષા, જનક અને વત્સ છે. તાજેતરમાં જ બિગે 31 કરોડ રૂપિયાનું બીજું ઘર ખરીદ્યું છે.
260 કરોડ રૂપિયાનું પ્રાઈવેટ જેટ: અમિતાભ બચ્ચન પાસે પ્રાઈવેટ જેટ પણ છે. તેની કિંમત તમારા હોશ ઉડાવી દેશે. બિગ બી પાસે જે પ્રાઈવેટ જેટ છે તેની કિંમત 260 કરોડ રૂપિયા હોવાનું જણાવવામાં આવે છે. તેમાં તે અને તેનો પરિવાર અવારનવાર મુસાફરી કરતા જોવા મળે છે.
