અલ્લુ અર્જુન દક્ષિણ ભારતીય ફિલ્મોના સુપરસ્ટાર છે. તેની મોટાભાગની ફિલ્મો સુપર ડુપર હિટ સાબિત થાય છે, જેની પાછળનું મુખ્ય કારણ તેમની દમદાર પર્સનાલિટી અને સુંદર એક્ટિંગ છે અને જ્યારે આ બંનેનું કોમ્બિનેશન જોવા મળે છે, તો ફિલ્મ હિટ થવી વ્યાજબી છે. અલ્લુ અર્જુને આજે જે સ્થાન મેળવ્યું છે તેની પાછળ તેમની સખત મહેનત છુપાયેલી છે. અલ્લુ અર્જુને પણ અન્ય અભિનેતાની જેમ પોતાની કારકિર્દીની શરૂઆત નાના લેવલથી કરી હતી.
અલ્લુ અર્જુનની ફેન ફોલોઈંગ દિવસેને દિવસે વધી રહી છે. જ્યારથી તેની ફિલ્મ “પુષ્પાઃ ધ રાઇઝ” આવી છે ત્યારથી તેની લોકપ્રિયતામાં જબરદસ્ત ઉછાળો આવ્યો છે. માત્ર દેશમાં જ નહીં પરંતુ વિદેશમાં પણ અલ્લુ અર્જુનની લોકપ્રિયતા વધી ચુકી છે. અલ્લુ અર્જુને પોતાની ફિલ્મી કારકિર્દીમાં ઘણી ફિલ્મોમાં કામ કર્યું છે, જે સ્ક્રીન પર હિટ સાબિત થઈ છે.
હાલના સમયમાં અલ્લુ અર્જુન સાઉથના સૌથી મોંઘા કલાકારોમાંથી એક છે. આજે અલ્લુ અર્જુનની માંગ ખૂબ વધારે છે. જણાવી દઈએ કે અલ્લુ અર્જુન એક ખૂબ જ લક્ઝરી જીવન જીવવાનું પસંદ કરે છે. તે પોતાની ફિલ્મોથી સારી કમાણી કરે છે. આજે અમે તમને આ પોસ્ટ દ્વારા અલ્લુ અર્જુનની લક્ઝરી લાઈફનો પરિચય કરાવવા જઈ રહ્યા છીએ.
ખૂબ જ લક્ઝરી બંગલામાં રહે છે અલ્લુ અર્જુન: અલ્લુ અર્જુન પોતાના પરિવાર સાથે હૈદરાબાદમાં રહે છે. અભિનેતાનો બંગલો ખૂબ જ લક્ઝરી અને ભવ્ય છે. અલ્લુ અર્જુનનો આ બંગલો હૈદરાબાદના જુબલી હિલ્સમાં છે. તેમનું ઘર ખૂબ જ સુંદર રીતે ડિઝાઇન કરવામાં આવ્યું છે, જે 8000 ચોરસ ફૂટમાં ફેલાયેલું છે. આ ઉપરાંત તેમના ઘરમાં એક પ્રાઈવેટ પૂલ પણ છે.
આ ઘરમાં અલ્લુ અર્જુન પોતાની પત્ની સ્નેહા રેડ્ડી અને બે બાળકો સાથે રહે છે. સાથે જ તેના ઘરની કિંમત તમને આશ્ચર્યચકિત કરી દેશે. મીડિયા રિપોર્ટ્સ મુજબ અલ્લુ અર્જુનના લક્ઝરી બંગલાની કિંમત 100 કરોડ રૂપિયા હોવાનું જણાવવામાં આવે છે. સાથે જ અભિનેતાએ મુંબઈમાં 2BHK ફ્લેટ પણ ખરીદ્યો છે.
7 કરોડ રૂપિયાની કિંમતની વેનિટી વેન: અલ્લુ અર્જુન એક લક્ઝરી વેનિટી વેનના પણ માલિક છે. તેની વેનિટી વેનની કિંમત લગભગ 7 કરોડ રૂપિયા હોવાનું જણાવવામાં આવે છે.
અલ્લુ અર્જુને પોતાની વેનિટી વેનનું નામ “ધ ફાલ્કન” રાખ્યું છે. તે અંદરથી કોઈ ફાઇવ સ્ટાર હોટલની સુવિધાઓથી સજ્જ છે.
અલ્લુ અર્જુનને છે લક્ઝરી કારનો શોખ: અલ્લુ અર્જુનને કારનો પણ ખૂબ શોખ છે. તેના કાર કલેક્શનમાં એકથી એક ચઢિયાતી સુંદર અને લક્ઝુરિયસ કાર છે. તેની પાસે રેન્જ રોવર, હમર H2, રેન્જ રોવર વોગ, જગુઆર XJL, Volvo XC90 T8 એક્સીલેંસ જેવી મોંઘી કાર છે, જેની કિંમત કરોડોમાં હોવાનું જણાવવામાં આવે છે. આટલું જ નહીં પરંતુ અલ્લુ અર્જુન પોતે એક પ્રાઈવેટ જેટના માલિક છે.
અલ્લુ અર્જુન ની નેટ વર્થ: તમને જણાવી દઈએ કે અલ્લુ અર્જુન એક ફિલ્મ કરવા માટે 14 થી 15 કરોડ રૂપિયાની મોટી રકમ ફી તરીકે લે છે. મીડિયા રિપોર્ટ્સ મુજબ ‘પુષ્પા’ની સિક્વલ માટે અલ્લુ અર્જુને 100 કરોડ રૂપિયાની મોટી રકમની માંગ કરી છે. જો અલ્લુ અર્જુનની કુલ સંપત્તિ વિશે વાત કરીએ તો મીડિયા રિપોર્ટ્સ મુજબ અલ્લુ અર્જુનની કુલ સંપત્તિ 47 મિલિયન છે, એટલે કે જો ભારતીય ચલણમાં જોવામાં આવે તો તે લગભગ 350 કરોડ રૂપિયા છે.
