આ ખાસ કારણથી રણબીર-આલિયા એ 7 નહિં પરંતુ 4 ફેરા લીધા, આ વ્યક્તિ એ કર્યો આ મોટો ખુલાસો

બોલિવુડ

14 એપ્રિલની સાંજે છેવટે હિન્દી સિનેમાની સુંદર અને લોકપ્રિય અભિનેત્રી અને અભિનેતા રણબીર કપૂર હંમેશા હંમેશા માટે એકબીજાના બની ગયા છે. બંને કલાકારોના લગ્નથી દરેક લોકો ખૂબ જ ખુશ છે. એક લાંબી રાહ જોયા પછી બંને ગુરૂવારે લગ્નના બંધનમાં બંધાઈ ગયા છે.

રણબીર અને આલિયાના લગ્નની ચર્ચા જોરશોરથી થઈ રહી હતી અને અત્યારે પણ થઈ રહી છે. સંપૂર્ણ રીત-રિવાજ સાથે કપલના લગ્ન મુંબઈમાં રણબીરના ઘર વાસ્તુ પર થયા. જણાવવામાં આવી રહ્યું છે કે રણબીર અને આલિયાના લગ્ન પંજાબી રીતિ-રિવાજ મુજબ થયા છે. રણબીરની માતા નીતુ કપૂર શીખ ધર્મ સાથે સંબંધ ધરાવે છે.

સોશિયલ મીડિયા પર રણબીર અને આલિયાના લગ્નની તસવીરો ખૂબ વાયરલ થઈ રહી છે. સામાન્ય રીતે જોવામાં આવે છે કે લગ્નમાં 7 ફેરા લેવામાં આવે છે અને દરેકના સાત વચન હોય છે. જો કે તમને જાણીને નવાઈ લાગશે કે રણબીર અને આલિયાએ સાત નહીં પરંતુ માત્ર ચાર ફેરા લીધા છે. આ વાતનો ખુલાસો આલિયાના સાવકા ભાઈ રાહુલ ભટ્ટે કર્યો છે અને તેનું કારણ પણ જણાવ્યું છે.

રાહુલ ભટ્ટે લગ્ન પછી જણાવ્યું છે કે, “રણબીર-આલિયાએ પોતાના લગ્નમાં 7 નહીં 4 ફેરા લીધા છે. તેમના લગ્નમાં એક ખાસ પંડિત હતા. આ પંડિત ઘણા વર્ષોથી કપૂર પરિવાર સાથે છે. તેથી તેમણે દરેક ફેરાનું મહત્વ સમજાવ્યું. એક હોય છે ધર્મ માટે, એક હોય છે બાળકો માટે… તો આ બધું ખરેખર આકર્ષક હતું. હું એક એવા ઘર સાથે સંબંધ ધરાવું છું જ્યાં અનેક ધર્મના લોકો રહે છે. લગ્નમાં 7 ફેરા નહિં પરંતુ 4 ફેરા લેવામાં આવ્યા અને હું ચારેય ફેરા દરમિયાન ત્યાં હતો.”

રિસેપ્શન થશે કે નહીં? લગ્ન પહેલા આ વાતની જોર શોરથી ચર્ચા થઈ રહી હતી કે લગ્ન પછી આલિયા અને રણબીર ગ્રેન્ડ રિસેપ્શન આપશે. જો કે, તમને જણાવી દઈએ કે આવું કંઈ થવાનું નથી. ખરેખર રણબીર અને આલિયાના લગ્ન પછી, નીતુ કપૂર અને તેની પુત્રી રિદ્ધિમા કપૂર સાહની મીડિયાને મળી હતી.

લગ્ન પછી, કપૂર અને ભટ્ટ પરિવાર તરફથી મીડિયામાં મીઠાઈઓ વહેંચવામાં આવી અને આ દરમિયાન નીતુ કપૂરે મીડિયા અને પૈપરાઝીનો આભાર પણ માન્યો. ત્યારે જ નીતુને પૈપરાઝીએ રણબીર અને આલિયાના રિસેપ્શન સાથે સંબંધિત સવાલ કર્યો. તો નીતુએ જણાવ્યું કે રિસેપ્શન નહીં થાય. અભિનેત્રીએ આગળ કહ્યું કે બધું થઈ ગયું છે અને હવે તમે આરામથી ઘરે જાઓ અને સૂઈ જાઓ.

જણાવી દઈએ કે રણબીર કપૂર અને આલિયા ભટ્ટ લાંબા સમયથી રિલેશનશિપમાં હતા. કહેવાય છે કે બંનેએ એકબીજાને પાંચ વર્ષ સુધી ડેટ કર્યા પછી લગ્ન કરવાનો નિર્ણય લીધો હતો. રણબીર અને આલિયાનો સંબંધ કોઈથી છુપાયો ન હતો. તેના સંબંધ વિશે દરેક લોકો જાણતા હતા.

પહેલા રણબીર અને આલિયા વર્ષ 2020માં લગ્ન કરવાના હતા, જોકે કોરોના મહામારીના કારણે લગ્ન થઈ શક્યા નહિં. છેલ્લા કેટલાક દિવસોથી આ કપલના લગ્નની સતત ચર્ચા થઈ રહી હતી અને છેવટે 14 એપ્રિલની સાંજે બંનેએ લગ્ન કરી લીધા. ત્યાર પછી બંને મીડિયા સામે આવ્યા અને તસવીરો ક્લિક કરાવી. આ દરમિયાન રણબીરે તેની દુલ્હન આલિયાને પોતાના ખોળામાં પણ ઉઠાવી હતી.