અલ્લુ અર્જુન અને રશ્મિકા મંદાનાની ફિલ્મ ‘પુષ્પાઃ ધ રાઈઝ’ની પ્રશંસા દુનિયાભરમાં થઈ રહી છે. સામાન્ય લોકોની સાથે આ ફિલ્મની પ્રસંશા સ્લેબ્સ એ પણ કરી છે. ફિલ્મની સાથે જ તેના ગીતો, પાત્રો, ડાયલોગ્સ, ડાન્સ સ્ટેપ્સ બધું જ ખૂબ જ લોકપ્રિય બની ચુક્યું છે. જ્યાં જુઓ ત્યાં પુષ્પાના જલવા જોવા મળ્યા છે.
દક્ષિણ ભારતીય સ્ટાર્સની સાથે જ હિન્દી ફિલ્મ જગતના સ્ટાર્સે પણ અલ્લુ અને રશ્મિકાની ફિલ્મની પ્રશંસા કરી છે, જ્યારે હવે પ્રખ્યાત અને સુંદર અભિનેત્રી આલિયા ભટ્ટના પરિવારે પણ આ ફિલ્મ જોઈ છે અને અલ્લુ અર્જુનના કામને જોઈને ખૂબ જ ખુશ અને પ્રભાવિત જોવા મળ્યા.
સાથે જ બીજી તરફ આલિયા પણ હવે અલ્લુ અર્જુનની ફેન બની ગઈ છે. જણાવી દઈએ કે આલિયા અલ્લુ સાથે મોટા પડદા પર કામ કરવા ઈચ્છે છે. ખાસ વાત એ છે કે હિન્દી સિનેમામાં આલિયાએ ખૂબ ઓછા સમયમાં મોટું નામ કમાઈ લીધું છે. નાની કારકિર્દીમાં તે સુપરહિટ અભિનેત્રી બની ચુકી છે. આજના કલાકારો આલિયા સાથે કામ કરવા ઈચ્છે છે, સાથે જ આલિયા પોતે પણ અલ્લૂ સાથે મોટા પડદા પર જોવા મળવા ઈચ્છે છે.
આલિયા ભટ્ટે તાજેતરમાં જ એ રહસ્ય પરથી પડદો ઉઠાવ્યો છે કે તાજેતરમાં જ તેના પરિવારે ફિલ્મ ‘પુષ્પા’ જોઈ છે અને આ ફિલ્મ જોયા પછી તેનો પરિવાર અલ્લુ અર્જુનનો ફેન બની ગયો છે. દરેકે અલ્લુની ફિલ્મ અને તેની એક્ટિંગની ખૂબ પ્રસંશા કરી છે. દરેક દક્ષિણ ભારતીય ફિલ્મોના સુપરસ્ટારથી સારા પ્રભાવિત થતા જોવ મળ્યા.
આલિયાના પરિવારના સભ્યો તેને પૂછી રહ્યા છે આવા સવાલ: આલિયાએ જણાવ્યું છે કે તેના પરિવારે ‘પુષ્પા’ને જોયા પછી તેને અલ્લુ સાથે કામ કરવા વિશે સવાલો પૂછ્યા છે. આલિયાએ જણાવ્યું કે મારા પરિવારના સભ્યો અલ્લુ અર્જુનના ફેન બની ગયા છે. મારો પરિવાર મને સવાલ કરી રહ્યો છે કે હું ક્યારે અલ્લુ સાથે કામ કરીશ.
અલ્લૂ સાથે કામ કરવાની તક મળી તો ખૂબ ખુશી થશે: આલિયા ભટ્ટે આગળ જણાવ્યું કે જો મને અલ્લુ અર્જુન સાથે મોટા પડદા પર કામ કરવાની તક મળશે તો હું તેનાથી ખૂબ જ ખુશ થઈશ. સાથે જ તેણે એ પણ જણાવ્યું છે કે, મારો પરિવાર ઘરમાં મને આલૂ કહે છે. તેઓ મને પૂછે છે- આલુ તમે અલ્લુ સાથે ક્યારે કામ કરશો?
જ્યારે આલિયા અલ્લુ સાથે કામ કરવા ઈચ્છે છે, તો સાથે જ તેની પહેલા અલ્લૂ પણ આલિયા સાથે કામ કરવાની ઈચ્છા વ્યક્ત કરી ચુક્યા છે. વર્ષ 2016 માં, અલ્લુએ એક ઇન્ટરવ્યુમાં ભાગ લીધો હતો ત્યારે તેમણે આ વિશે વાત કરી હતી. ખરેખર તેમને ઇન્ટરવ્યુમાં સવાલ કરવામાં આવ્યો હતો કે, ‘તે બોલિવૂડની કઈ અભિનેત્રી સાથે કામ કરવા ઈચ્છે છે’? અલ્લુ એ જવાબમાં બે નામ લીધા હતા. એકનું નામ હતું પરિણિતી ચોપરાનું અને બીજું હતું નામ આલિયા ભટ્ટનું. અલ્લુનું આ ઈન્ટરવ્યુ ખૂબ ચર્ચામાં રહ્યું હતું. જણાવી દઈએ કે બંને કલાકારો સિનેમાના મોટા નામ છે. બંનેએ દેશ અને દુનિયામાં પોતાને સારી રીતે સાબિત કર્યા છે.
આલિયાના વર્ક ફ્રન્ટ વિશે વાત કરીએ તો, તેની આગામી ફિલ્મ ‘ગંગુબાઈ કાઠિયાવાડી’ છે જે 25 ફેબ્રુઆરીએ રિલીઝ થઈ રહી છે. સંજય લીલા ભણસાલીની ફિલ્મનું ટ્રેલર દર્શકોએ ખૂબ જ પસંદ કર્યું છે. તેમાં અજય દેવગણ પણ ‘કરીમ લાલા’ ની નાની ભુમિકામાં જોવા મળશે. જ્યારે અભિનેતા વિજય રાજ પણ મજબૂત પાત્ર સાથે દર્શકોનું મનોરંજન કરતા જોવા મળશે.
