હિન્દી સિનેમાના ખિલાડી કુમાર એટલે કે સુપરસ્ટાર અક્ષય કુમાર છેલ્લા 30 વર્ષથી ફિલ્મી દુનિયા પર રાજ કરી રહ્યા છે. આ ત્રીસ વર્ષમાં ખેલાડીએ નામની સાથે સાથે ઘણી સંપત્તિ પણ મેળવી છે. આજે તેની ગણતરી માત્ર બોલિવૂડમાં જ નહીં પરંતુ દુનિયાના સૌથી મોંઘા અભિનેતાઓમાં થાય છે. તે આજે અબજો રૂપિયાની સંપત્તિના માલિક છે.
અક્ષય કુમારે પોતાની ફિલ્મી કારકિર્દીની શરૂઆત વર્ષ 1991 માં કરી હતી. આ દરમિયાન તેની પહેલી ફિલ્મ ‘સૌગંધ’ આવી હતી. હિન્દી સિનેમામાં અક્ષય કુમારે એક્શન અને કોમેડી ફિલ્મોથી ખાસ ઓળખ બનાવી છે અને બોલીવુડના સુપરસ્ટારનું તેને બિરુદ મળ્યું છે. ભારતની સાથે અક્ષય કુમારની ફેન ફોલોઇંગ વિદેશમાં પણ છે. દુનિયાભરમાં તેને પસંદ કરવામાં આવે છે. તે બોલિવૂડના ખૂબ જ પ્રખ્યાત અને સફળ અભિનેતા છે.
અક્ષય કુમાર વર્ષમાં સરળતાથી 3 થી 4 ફિલ્મો કરે છે. અક્ષય કુમાર અભિનેતા હોવા ઉપરાંત ડિરેક્ટર, નિર્માતા અને માર્શલ આર્ટના માસ્ટર પણ છે. તેના ચાહકો તેમને ખિલાડી કહેવાની સાથે જ પ્રેમથી ‘અક્કી’ પણ બોલવે છે. સાથે જ તે ખૂબ સારા શેફ પણ છે.
અક્ષય કુમારને હિન્દી સિનેમામાં ઓળખ અબ્બાસ-મસ્તાન દ્વારા નિર્દેશિત ફિલ્મ ‘ખિલાડી’ થી મળી હતી. આ ફિલ્મ વર્ષ 1992 માં રિલીઝ થઈ હતી. ત્યાર પછી અક્ષયે ખિલાડીના નામ સાથે જોડાયેલી ઘણી ફિલ્મોમાં કામ કર્યું અને તે ‘બોલિવૂડના ખિલાડી’ ના નામથી ઓળખાવા લાગ્યા. તે એક સેલ્ફ મેડ સ્ટાર છે. અક્ષયે ફિલ્મી કારકિર્દીમાં સતત ઘણી હિટ ફિલ્મો આપી છે.
અક્ષય કુમાર ફિલ્મોથી તો મોટી કમાણી કરે છે, સાથે જ તે જાહેરાતોથી પણ ઘણી કમાણી કરે છે. જણાવી દઈએ કે તેની મોટાભાગની કમાણી બ્રાન્ડ એન્ડોર્સમેન્ટથી થાય છે. તેઓ દરેક એન્ડોર્સમેન્ટ માટે 6 કરોડ રૂપિયા ચાર્જ કરે છે અને એક પછી એક તે જાહેરાતોનો ભાગ બને છે.
2000 કરોડ રૂપિયાની સંપત્તિના માલિક છે અક્ષય કુમાર: અક્ષય કુમાર હિન્દી સિનેમાની સાથે-સાથે દુનિયાના સૌથી મોંઘા કલાકારો છે. તે મુંબઇમાં તેના પરિવાર સાથે લક્ઝરી ઘરમાં રહે છે. આ સાથે જ દેશ-વિદેશમાં તેના અન્ય પણ ખૂબ મોંઘા અને સુંદર ઘર છે. અક્ષય પાસે મોંઘી અને લક્ઝરી કારનું પણ એક સુંદર કલેક્શન છે. લક્ઝરી કારમાં મર્સિડીઝ બેન્ઝ, બેન્ટલે, હોન્ડા સીઆરવી અને પોર્શ શામેલ છે. મીડિયા રિપોર્ટ્સ મુજબ ‘અક્કી’ $ 273 મિલિયન એટલે કે 2000 કરોડ રૂપિયાની સંપત્તિના માલિક છે.
ટ્વિંકલ સાથે કર્યા લગ્ન, બે બાળકોનો પિતા છે અક્ષય: અક્ષય કુમારના લગ્ન વર્ષ 2001 માં અભિનેત્રી ટ્વિંકલ ખન્ના સાથે થયા હતા. બંને બે બાળકોના માતા-પિતા છે. પુત્રનું નામ આરવ અને પુત્રીનું નામ નિતારા છે.
અક્ષય કુમારની આગામી ફિલ્મો: વર્ક ફ્રન્ટની વાત કરીએ તો અક્ષય બોલિવૂડના સૌથી વ્યસ્ત કલાકારોમાંથી એક છે. તેની પાસે અડધા ડઝનથી વધુ ફિલ્મોની લાઇન લાગેલી છે. ખિલાડીની આગામી ફિલ્મોમાં સૂર્યવંશી, રામ સેતુ, રક્ષા બંધન, પૃથ્વીરાજ, બેલ બોટમ, બચ્ચન પાંડે, અતરંગી રે વગેરે શામેલ છે ચાહકો તેની ફિલ્મ ‘સૂર્યવંશી’ ની આતુરતાથી રાહ જોઈ રહ્યા છે.
