ભારતીય લગ્નો દુનિયાભરમાં તેમના રીતરિવાજો અને ધાર્મિક વિધિઓ માટે લોકપ્રિય છે અને જ્યારે વાત બોલિવૂડ અભિનેત્રીઓના લગ્નની આવે છે, ત્યારે તેનો અલગ જ ક્રેઝ હોય છે. દુલ્હનના આઉટફિટથી લઈને જ્વેલરી સુધી દરેક ચીજ પર દરેક લોકોની નજર રહે છે.
કોઈપણ હિંદુ કન્યા માટે મંગલસૂત્ર એ એક મહત્વપૂર્ણ એસેસરીઝ હોય છે, જેને દરેક દૂલ્હન લગ્ન સમયે જરૂર કેરી કરે છે. બી-ટાઉનની સેલેબ બ્રાઇડ્સ પણ તેનાથી અલગ નથી. આવી સ્થિતિમાં, અમે તમને અહીં કેટલીક સેલેબ દુલ્હનોના મંગલસૂત્ર વિશે જણાવવા જઈ રહ્યા છીએ, જે અનોખા હોવાની સાથે સાથે ખૂબ મોંઘા પણ છે.
1. કિયારા અડવાણી: 7 ફેબ્રુઆરી 2023 ના રોજ જેસલમેરના ‘સૂર્યગઢ પેલેસ’ માં સિદ્ધાર્થ મલ્હોત્રા સાથે લગ્નના બંધનમાં બંધાયેલી કિયારા અડવાણી તેના લગ્નના દિવસે રાજકુમારીથી ઓછી લાગી રહી ન હતી. લગ્ન પછી, દિલ્હીમાં તેમના પહેલા પબ્લિક અપીયરંસ દરમિયાન, નવ પરિણીત કપલ રેડ આઉટફિટમાં ટ્વિનિંગ કરતા ખૂબ જ સુંદર લાગી રહી હતી. કિયારા રેડ અનારકલી અને મેચિંગ શિયર દુપટ્ટામાં સ્ટનિંગ લાગી રહી હતી. બ્રાઇડલ ગ્લોની સાથે અભિનેત્રીએ પોતાનું મંગલસૂત્ર પણ ફ્લોંટ કર્યું હતું. રિપોર્ટ મુજબ, સબ્યસાચી મુખર્જીના કલેક્શનમાંથી પસંદ કરાયેલ કિયારાના આ મંગલસૂત્રની કિંમત 2 કરોડ રૂપિયા છે.
2. સોનમ કપૂર આહુજા: અનિલ કપૂર અને સુનીતા કપૂરની પુત્રી સોનમ કપૂરે વર્ષ 2018માં પોતાના બોયફ્રેન્ડ અને બિઝનેસમેન આનંદ આહુજા સાથે લગ્ન કર્યા હતા. જ્યારે તેનો બ્રાઈડલ લુક ચર્ચાનો વિષય બન્યો હતો, ત્યારે તેના મંગલસૂત્રે પણ દરેકનું ધ્યાન ખેંચ્યું હતું. પોતાના લગ્ન માટે, સોનમે પોતે એક અદભૂત અને થોટફુલ મંગલસૂત્ર ડિઝાઇન કર્યું હતું જેમાં સેંટરમાં એક હીરાના લટકણ સાથે તેના અને તેના પતિની રાશિઓના ચિન્હ હતા. સોનમના મંગલસૂત્રની કિંમત 55 લાખ રૂપિયા છે.
3. અનુષ્કા શર્મા: બોલિવૂડની પાવર કપલ અનુષ્કા શર્મા અને વિરાટ કોહલીએ 2017 માં ઇટાલીમાં લગ્ન કરીને ચાહકોને આશ્ચર્યચકિત કરી દીધા હતા. અનુષ્કાના લગ્નની દરેક ચીજ ખૂબ જ ખાસ હતી. તેના લહેંગાથી લઈને તેણે રિસેપ્શનમાં પહેરેલી સાડી સુધી, બધું જ અદભૂત હતું, તેણે એક નવો ટ્રેન્ડ સેટ કર્યો હતો. તેમના લગ્નની તસવીરો આજે પણ સોશિયલ મીડિયા પર પસંદ કરવામાં આવે છે. તેના પેસ્ટલ લહેંગા ઉપરાંત અનુષ્કાનું મંગલસૂત્ર પણ ખૂબ સુંદર હતું. અનુષ્કાના મંગલસૂત્રની કિંમત 52 લાખ રૂપિયા છે.
4. પત્રલેખા પોલ: બોલીવુડ અભિનેત્રી પત્રલેખા પોલે રાજકુમાર રાવ સાથે લગ્ન કર્યા છે. તેના પરંપરાગત લગ્ન પછી, અભિનેત્રી અદભૂત મંગલસૂત્રમાં જોવા મળી હતી જેણે ઘણા લોકોનું ધ્યાન ખેંચ્યું હતું. ગોમેદ અને મોતીથી બનેલું પત્રલેખાનું મંગલસૂત્ર સબ્યસાચી મુખર્જીના સંગ્રહમાંથી લેવામાં આવ્યું હતું. 18K સોનાના મંગલસૂત્રમાં એક કાળા અને સોનાના મણકાવાળી ચેન અને એક નાનું પેન્ડન્ટ છે. રિપોર્ટ મુજબ, પત્રલેખાના મંગલસૂત્રની કિંમત 1.65 લાખ રૂપિયા હોવાનું જણાવવામાં આવે છે.
5. કેટરિના કૈફ: કેટરિના કૈફ અને વિકી કૌશલના લગ્ન 9 ડિસેમ્બર 2021ના રોજ રાજસ્થાનના સવાઈ માધોપુરમાં ‘સિક્સ સેન્સ ફોર્ટ (બરવાડા)’ માં થયા હતા. કેટરિનાએ એકવાર તેના અનોખા અનકટ ડાયમંડ મંગલસૂત્રને ફ્લોન્ટ કરતા તેના લગ્ન પછીના લુકની કેટલીક સુંદર તસવીરો શેર કરી હતી. અભિનેત્રીનું મંગલસૂત્ર ડિઝાઇનર સબ્યસાચી મુખર્જીના કલેક્શનમાંથી હતું. કાળા મોતીવાળી ચેન અને એક મોડર્ન સોલિટેર પેન્ડન્ટની કિંમત 8 લાખ રૂપિયા છે.
6. પ્રિયંકા ચોપરા જોનાસ: ‘દેશી ગર્લ’ પ્રિયંકા ચોપરાએ 2018માં અમેરિકન પોપ સિંગર નિક જોનાસ સાથે લગ્ન કર્યા હતા. તેણે લગ્ન માટે ડિઝાઇનર સબ્યસાચીના કલેક્શનમાંથી એક ભવ્ય મંગલસૂત્ર પસંદ કર્યું હતું, જેની કિંમત લાખો રૂપિયા હોવાનું જણાવવામાં આવે છે. જો કે, તેની પાસે ‘Bvlgari’ મંગલસૂત્ર પણ છે, જેની કિંમત 3 લાખ રૂપિયા છે. તેમાં સેંટરમાં મોતિ અને એક હીરાના લટકણ સાથે યલો ગોલ્ડ લાગેલું છે.
7. યામી ગૌતમ: બોલિવૂડની સુંદર અભિનેત્રી યામી ગૌતમે 4 જૂન 2021ના રોજ તેના વતન હિમાચલ પ્રદેશમાં આદિત્ય ધર સાથે લગ્ન કર્યા હતા. તેણે લગ્નમાં લક્ઝરી બ્રાંડ ‘Bvlgari’ માંથી એક સુંદર મંગલસૂત્ર પસંદ કર્યું હતું જેમાં કાળા ઓનીક્સ અને હીરાનું પેન્ડન્ટ હતું. રિપોર્ટ મુજબ, યામીના મંગલસૂત્રની કિંમત લગભગ 3.4 લાખ રૂપિયા છે.
8. દીપિકા પાદુકોણ: બોલિવૂડ અભિનેત્રી દીપિકા પાદુકોણે 2018માં અભિનેતા રણવીર સિંહ સાથે લગ્ન કર્યા હતા. દીપિકા પાસે 20 લાખ રૂપિયાથી વધુની કિંમતનું મંગલસૂત્ર છે. તેના મંગલસૂત્રને ડિઝાઇનર સબ્યસાચી મુખર્જી દ્વારા ડિઝાઇન કરવામાં આવ્યું છે, જેમાં કાળા અને સોનાના મણકાની એક જ કળી છે. મંગલસૂત્રમાં એક સોલિટેયર ડાયમંડ પેન્ડન્ટ પણ છે, જે મંગલસૂત્રને સુંદરલુક આપે છે.
9. એશ્વર્યા રાય બચ્ચન: ‘ભૂતપૂર્વ મિસ વર્લ્ડ’ એશ્વર્યા રાયે અભિનેતા અભિષેક બચ્ચન સાથે લગ્ન કર્યા હતા અને તેમના લગ્ન દરેક રીતે ખૂબ જ રોયલ હતા, જે કોઈને કોઈ કારણસર ઘણા વર્ષો સુધી હેડલાઇન્સમાં રહ્યા હતા. એશ્વર્યા ઘણા પ્રસંગો પર તેના મંગલસૂત્રને ફ્લોન્ટ કરતા જોવા મળી છે, જેમાં બહુવિધ હીરા જડેલા છે. રિપોર્ટ મુજબ, એશ્વર્યાના મંગલસૂત્રની કિંમત 45 લાખ રૂપિયા છે. મંગલસૂત્રની સાથે એશ્વર્યા રાયના લગ્નની સાડી પણ ઘણી મોંઘી હતી. રિપોર્ટ્સ અનુસાર, તેની ગોલ્ડન સાડીની કિંમત 75 લાખ રૂપિયા હતી.
10. કરિશ્મા કપૂર: અભિનેત્રી કરિશ્મા કપૂરે 29 સપ્ટેમ્બર 2003ના રોજ બિઝનેસમેન સંજય કપૂર સાથે લગ્ન કર્યા હતા. જો કે, તેમના લગ્ન લાંબા સમય સુધી ટકી શક્યા નહીં. તેના લગ્નના દિવસે કરિશ્માએ ઝરી વર્ક કરેલો ગુલાબી લહેંગા પહેર્યો હતો, જેમાં તે ખૂબ જ સુંદર લાગી રહી હતી. તેણે સિલ્વર અને ગોલ્ડ જ્વેલરીથી પોતાનો લુક કમ્પ્લીટ કર્યો હતો. કરિશ્મા કપૂર પાસે એક મંગલસૂત્ર હતું, જેની કિંમત 17 લાખ રૂપિયા હોવાનું જણાવવામાં આવે છે.
11. શિલ્પા શેટ્ટી કુન્દ્રા: શિલ્પા શેટ્ટીએ 22 નવેમ્બર 2009ના રોજ એક ભવ્ય લગ્ન સમારોહમાં લંડન સ્થિત બિઝનેસમેન રાજ કુન્દ્રા સાથે લગ્ન કર્યા હતા. તેમના લગ્નના આઉટફિટ ઉપરાંત, તેનું મંગલસૂત્ર હતું જેણે ખૂબ હેડલાઇન્સ બનાવી હતી. તેના સુંદર મંગલસૂત્રમાં હીરાથી બનેલા ત્રણ પાંદડા જેવા મોટિફ છે. રિપોર્ટ્સ મુજબ, શિલ્પાના મંગલસૂત્રની કિંમત 30 લાખ રૂપિયા છે.
12. આલિયા ભટ્ટ: રણબીર કપૂર અને આલિયા ભટ્ટે 14 એપ્રિલ 2022 ના રોજ તેમના ઘરે ‘વાસ્તુ’ માં ગુપ્ત લગ્ન કર્યા હતા, જેણે ખૂબ હેડલાઇન્સ બનાવી હતી. જો કે લગ્નમાં પહેરેલી આલિયાની આઈવરીની સાડી પણ ખૂબ જ સુંદર હતી, પરંતુ તે તેનું મંગલસૂત્ર હતું, જેણે બધાનું ધ્યાન ખેંચ્યું હતું. આલિયાએ રણબીર કપૂરના ફેવરિટ નંબર ‘8’ સાથે કસ્ટમ-મેડ મંગલસૂત્ર પહેર્યું હતું. તેમના આ હીરાના મંગલસૂત્રની કિંમત 7 લાખ રૂપિયા છે.
