બોલીવુડની આ 7 અભિનેત્રીઓ નથી અપનાવી પોતાના પતિની સરનેમ, જાણો કોણ કોણ છે તેમાં શામેલ

બોલિવુડ

બોલિવૂડ અને હોલીવુડની જાણીતી અભિનેત્રી પ્રિયંકા ચોપરાએ તાજેતરમાં તેના ઓફિશિયલ ઈન્સ્ટાગ્રામ એકાઉન્ટ પરથી તેના પતિ નિક જોનાસની સરનેમ જોનાસ હટાવી દીધી છે. ત્યાર પછી એવા સમાચાર આવ્યા હતા કે પ્રિયંકા અને નિક છૂટાછેડા લેવા જઈ રહ્યા છે, જોકે પ્રિયંકાની માતાએ આ વાતોને બકવાસ જણાવી હતી અને આ સમાચારને નકારી કાઢ્યા હતા. ત્યાર પછી પોતાના ઈંસ્ટાગ્રામ એકાઉંટ પરથી પ્રિયંકાએ પોતે પતિ સાથે વીડિયો શેર કરીને છુટાછેડાના સમાચારને ખોટા જણાવ્યા હતા.

જોકે તમને જણાવી દઈએ કે બોલિવૂડમાં એવી ઘણી અભિનેત્રીઓ છે જેમણે લગ્ન પછી પોતાના પતિની સરનેમ પોતાના નામની સાથે નથી જોડી અને તેમણે પોતાના નામને જ રાખવાનું યોગ્ય માન્યું છે. તો ચાલો આજે આ આર્ટીકલમાં અમે તમને બોલીવુડની કેટલીક એવી અભિનેત્રીઓ વિશે જણાવીએ કે જેમણે લગ્ન પછી પોતાના નામ સાથે પોતાના પતિની સરનેમ નથી જોડી.

અનુષ્કા શર્મા: અનુષ્કા શર્માની ગણતરી હિન્દી સિનેમાની સૌથી સુંદર અભિનેત્રીઓમાં થાય છે. જણાવી દઈએ કે અભિનેત્રી અનુષ્કા શર્માએ વર્ષ 2018માં ભારતીય ક્રિકેટ ટીમના ટેસ્ટ અને વનડે કેપ્ટન વિરાટ કોહલી સાથે ઈટાલીમાં ધૂમધામથી લગ્ન કર્યા હતા. અનુષ્કાએ વિરાટ કોહલીની સરનેમને અપનાવી નથી અને તે અનુષ્કા શર્માના નામથી જ ઓળખાય છે.

દીપિકા પાદુકોણ: દીપિકા પાદુકોણ આજના સમયની શ્રેષ્ઠ અભિનેત્રીઓમાંથી એક છે. છેલ્લા 14 વર્ષથી બોલિવૂડમાં કામ કરી રહેલી દીપિકા પાદુકોણે અભિનેતા રણવીર સિંહ સાથે વર્ષ 2018માં લગ્ન કર્યા હતા. દીપિકા પાદુકોણે પતિ રણવીર સિંહનું નામ અપનાવ્યું નથી અને તે આજે પણ દીપિકા પાદુકોણના નામથી જ લોકપ્રિય છે.

સોહા અલી ખાન: અભિનેતા સૈફ અલી ખાનની નાની બહેન અને અભિનેત્રી કરીના કપૂરની નણંદ સોહા અલી ખાને વર્ષ 2015માં અભિનેતા કુણાલ ખેમુ સાથે લગ્ન કર્યા હતા. મુસ્લિમ ધર્મ સાથે સંબંધ ધરાવતી સોહા અલી ખાને હિંદુ ધર્મ સાથે સંબંધ ધરાવતા કુણાલ ખેમુ સાથે લગ્ન કર્યા પછી તેમની સરનેમ અપનાવી નથી અને તેનું નામ સોહા અલી ખાન જ રહ્યું.

રાની મુખર્જી: રાની મુખર્જી છેલ્લા 25 વર્ષથી હિન્દી સિનેમાનો એક ભાગ છે. તેમણે અત્યાર સુધી ઘણી શ્રેષ્ઠ ફિલ્મો આપી છે. 43 વર્ષની થઈ ચુકેલી રાનીએ પ્રખ્યાત ફિલ્મ મેકર આદિત્ય ચોપરા સાથે લગ્ન કર્યા હતા. જો કે, આદિત્ય ચોપડા સાથે લગ્ન કર્યા પછી પણ રાનીએ પોતાની સરનેમ મુખર્જી જ રાખી હતી અને પતિની સરનેમ પોતાના નામમાં એડ નથી કરી.

વિદ્યા બાલન: વિદ્યા બાલન હિન્દી સિનેમાની ગજબની અભિનેત્રી છે. તેમણે ઘણી શ્રેષ્ઠ ફિલ્મો આપી છે. તે વર્ષ 2012 માં બોલિવૂડ ફિલ્મ મેકર સિદ્ધાર્થ રોય કપૂર સાથે લગ્નના બંધનમાં બંધાઈ હતી. જોકે તે પણ તેના પતિની સરનેમનો ઉપયોગ નથી કરતી અને તે પોતાના નામ સાથે પોતાની સરનેમ બાલન જ લગાવે છે.

ડિમ્પલ કાપડિયા: ડિમ્પલ કાપડિયા બોલીવુડની જાણીતી અભિનેત્રી છે. તેમણે માત્ર 16 વર્ષની ઉંમરમાં વર્ષ 1973માં હિન્દી સિનેમાના પહેલા સુપરસ્ટાર રાજેશ ખન્ના સાથે લગ્ન કર્યા હતા. પરંતુ ડિમ્પલે ખન્ના સરનેમ અપનાવી નથી. તમને જણાવી દઈએ કે લગ્નના 11 વર્ષ પછી બંને અલગ રહેવા લાગ્યા પરંતુ બંનેએ ક્યારેય છૂટાછેડા લીધા નથી.

ટ્વિંકલ ખન્ના: ટ્વિંકલ ખન્ના સુપરસ્ટાર રાજેશ ખન્ના અને ડિમ્પલ કાપડિયાની પુત્રી છે. પોતાની માતાની જેમ ટ્વિંકલે પણ લગ્ન પછી તેની સરનેમ બદલી નથી. જણાવી દઈએ કે ટ્વિંકલના લગ્ન સુપરસ્ટાર અક્ષય કુમાર સાથે વર્ષ 2001માં થયા હતા. લગ્ન પછી અભિનેત્રીના નામમાં કોઈ ફેરફાર જોવા મળ્યો નથી.