જ્યોતિષ શાસ્ત્રનું માનીએ તો ગ્રહોના રાશિ પરિવર્તનથી આપણા જીવન પર સારી કે ખરાબ અસર પડે છે. જ્યારે કોઈ ગ્રહ એક રાશિમાંથી બીજી રાશિમાં ગોચર કરે છે, ત્યારે તેની અસર તમામ 12 રાશિઓ પર જોવા મળે છે. બુધ ગ્રહની વાત કરીએ તો તે આ મહિનામાં ત્રણ વખત પોતાની રાશિ બદલવા જઈ રહ્યો છે. 2 જુલાઈના રોજ, બુધ ગ્રહ તેની રાશિ બદલીને મિથુન રાશિમાં ગોચર કરી ચુક્યો છે. હવે 17 જુલાઈએ તે કર્ક રાશિમાં પ્રવેશ કરશે. ત્યાર પછી તે કર્ક રાશિમાંથી નીકળીને સિંહ રાશિમાં 31મી જુલાઈએ જશે. સામાન્ય રીતે બુધ ગ્રહ 27 દિવસમાં રાશિ બદલે છે, પરંતુ જુલાઈ મહિનામાં દુર્લભ સંયોગને કારણે તે ત્રણ વખત રાશિ બદલી રહ્યો છે.
બુધ ગ્રહને બુદ્ધિ, તર્ક, પૈસા અને વેપાર જેવી ચીજોનો કારક માનવામાં આવે છે. તેના ત્રણ વખત રાશિ પરિવર્તનથી 4 રાશિઓને સૌથી વધુ લાભ મળશે. આ રાશિના લોકોના જીવનમાં ઘણા સારા ફેરફાર જોવા મળશે. તો ચાલો જાણીએ કઈ રાશિઓ તેમાં સામેલ છે.
વૃષભ રાશિ: બુધનું ગોચર વૃષભ રાશિના લોકોની કારકિર્દીમાં લાભ આપશે. જે લોકો બેરોજગાર છે તેમને નવી નોકરીની ઓફર મળી શકે છે. જે લોકો પહેલાથી નોકરી કરી રહ્યા છે તેમને પ્રમોશન મળી શકે છે. ધંધો કરતા લોકો માટે જુલાઇ મહિનો સારો સાબિત થશે. પૈસાની દ્રષ્ટિએ વૃષભ રાશિના લોકો માટે જુલાઇ મહિનો લાભદાયી રહેશે. પૈસા કમાવવાના ઘણા નવા માધ્યમ મળશે. નસીબ પણ તમારી આર્થિક સ્થિતિને મજબૂત બનાવવામાં મદદરૂપ થશે.
સિંહ રાશિ: બુધનું ગોચર સિંહ રાશિના લોકોકોના જીવનમાં ખુશીઓ લાવશે. જો તમે કોઈ નવો ધંધો શરૂ કરવા ઈચ્છો છો તો આ સમય સારો છે. જો તમે નોકરી બદલવાનું વિચારી રહ્યા છો તો કરી શકો છો. કોઈપણ શુભ કામથી લાંબી મુસાફરી થઈ શકે છે. આવકના સ્ત્રોત વધશે. અચાનક ધન લાભ મળશે. સ્વાસ્થ્ય સારું રહેશે. ઘરમાં સુખ-શાંતિ રહેશે. પતિ સાથે પ્રેમ વધશે. પ્રિયજનોનો સાથ મળશે.
કન્યા રાશિ: બુદ્ધના ગોચરને કારણે કન્યા રાશિના લોકો માટે જુલાઈ મહિનો શુભ રહેશે. તમને સ્વાસ્થ્યમાં સુધારો જોવા મળશે. નવું મકાન અને વાહન ખરીદવાના યોગ બની શકે છે. નોકરીમાં પ્રમોશન મળશે. વેપારીઓનો નફો બમણો થશે. જો તમે ક્યાંક પૈસાનું રોકાણ કરવા ઈચ્છો છો તો આ યોગ્ય સમય છે. કોઈ જૂના મિત્ર સાથે મુલાકાત થઈ શકે છે. આ મુલાકાત આવકના નવા સ્ત્રોત ખોલી શકે છે. સંબંધીઓ પાસેથી પણ ધન લાભ મળવાની સંભાવના છે.
મકર રાશિ: બુધનું ગોચર મકર રાશિના લોકોનું નસીબ બદલી નાખશે. દુર્ભાગ્ય તમારો સાથ છોડી દેશે. નસીબ દરેક વળાંક પર તમારી સાથે રહેશે. તમે જે પણ કામ તમારા હાથમાં લેશો તે સફળ થશે. તમારા કામની પ્રશંસા થશે. સમાજમાં તમારું માન-સમ્માન વધશે. પતિ-પત્ની વચ્ચે સંબંધ મધુર રહેશે. સંતાન સુખ મેળવી શકશો. ઘરમાં માંગલિક કાર્યો થઈ શકે છે. દુ:ખ દૂર થશે.
