અક્ષય કુમારથી લઈને પ્રિયંકા સુધી આ 4 બોલીવુડ સ્ટાર્સનો આર્મી સાથે છે ઉંડો સંબંધ, માતા-પિતા એ કરી છે દેશની સેવા, જાણો તેમાં કોણ-કોણ છે શામેલ

બોલિવુડ

ભારતને આઝાદી મળ્યાને આજે 75 વર્ષ થઈ ચુક્યા છે. દેશમાં આઝાદીનો અમૃત તહેવાર ઉજવવામાં આવ્યો છે. દેશની જનતા તેમાં સક્રિયપણે ભાગ લઈ રહી છે. બોલિવૂડ પણ હંમેશાથી દેશભક્તિ પર આધારિત ફિલ્મો બનાવી રહ્યું છે. બોલીવુડ અભિનેત્રી હોય કે અભિનેતા પોતાની ફિલ્મોમાં સમય-સમય પર આર્મી ઓફિસરના પાત્રમાં જોવા મળે છે. જોકે તમને જણાવી દઈએ કે બોલિવૂડના ઘણા એવા સેલેબ્સ છે જેમનો સંબંધ રિયલ લાઈફમાં પણ આર્મી સાથે છે. તેમનું આર્મી બેકગ્રાઉન્ડ છે. તેમના પરિવારના સભ્યો ભારતીય સેનામાં રહીને દેશની સેવા કરી ચુક્યા છે. ચાલો જાણીએ આવા જ કેટલાક સ્ટાર્સ વિશે.

અક્ષય કુમાર: બોલિવૂડ સુપરસ્ટાર અક્ષય કુમાર પોતાની ઘણી ફિલ્મોમાં દેશભક્તની ભૂમિકામાં જોવા મળી ચુક્યા છે. અક્ષય કુમાર ફિલ્મોમાં પોલીસમેન અને આર્મીમેન બંને બની ચુક્યા છે. સાથે જ રિયલ લાઈફમાં પણ તેમનો સંબંધ આર્મી બેકગ્રાઉન્ડ સાથે છે. ખરેખર તેમના દિવંગત પિતા હરિ ઓમ ભાટિયા ભારતીય સેનામાં જવાન હતા. પરંતુ પછી તેમણે આર્મીની નોકરી છોડી દીધી હતી. અક્ષય ઘણી વખત જણાવી ચુક્યા છે કે તે પોતાના જીવનમાં આટલી શિસ્ત પોતાના પિતા આર્મીમાં હોવાને કારણે જ લાવી શક્યા છે.

અનુષ્કા શર્મા: હિન્દી સિનેમાની પ્રખ્યાત અભિનેત્રી અનુષ્કા શર્મા પણ આર્મી બેકગ્રાઉન્ડથી આવે છે. તેના પિતા અજય કુમાર શર્મા ભારતીય સેનામાં સેવા આપી ચૂક્યા છે. અનુષ્કાના પિતા ભારતીય સેનામાંથી નિવૃત્ત થઈ ચુક્યા છે. જણાવી દઈએ કે અજય કુમાર શર્માએ સેનામાં કર્નલની પોસ્ટ પર પોતાની સેવા આપી હતી.

સુષ્મિતા સેન: હિન્દી સિનેમાની પ્રખ્યાત અભિનેત્રી અને ભારતની પહેલી મિસ યુનિવર્સનો એવોર્ડ પોતાના નામે કરી ચુકેલી સુષ્મિતા સેન પણ આર્મી બેકગ્રાઉંડ સાથે સંબંધ ધરાવે છે. સુષ્મિતા સેનના પિતા ભારતીય સેનામાં રહીને દેશની સેવા કરી ચુક્યા છે. જણાવી દઈએ કે અભિનેત્રીના પિતાનું નામ શુબીર સેન છે અને તેઓ વિંગ કમાન્ડર તરીકે ભારતીય એયરફોર્સમાં સેવા આપી ચૂક્યા છે. હવે તેઓ નિવૃત્ત થઈ ચુક્યા છે.

પ્રીતિ ઝિન્ટા: પોતાની એક્ટિંગની સાથે પ્રીતિ ઝિન્ટાએ ચાહકોને પોતાની સુંદરતાથી પણ દિવાના બનાવ્યા છે. પ્રીતિ ઝિન્ટાને બોલિવૂડમાં ‘ડિમ્પલ ગર્લ’ તરીકે પણ ઓળખવામાં આવે છે. પ્રીતિ ઝિન્ટાના પિતા દુર્ગાનંદ ઝિન્ટા આર્મીમાં ઓફિસર હતા. જોકે, વર્ષ 1988માં તેમનું નિધન થયું હતું. પિતાના નિધન દરમિયાન પ્રીતિ માત્ર 13 વર્ષની હતી. ખાસ વાત એ છે કે હવે પ્રીતિનો ભાઈ ભારતીય સેનામાં ઓફિસર છે. તેનું નામ છે દિપાંકર ઝિન્ટા.

પ્રિયંકા ચોપરા: પ્રિયંકા ચોપરા આખી દુનિયામાં પોતાનું નામ રોશન કરી ચુકી છે. પ્રિયંકા ચોપરા કોઈ ઓળખની મોહતાજ નથી. બોલિવૂડમાં તેણે એક ખાસ અને અલગ સ્થાન મેળવ્યું છે, સાથે જ હોલિવૂડની દુનિયામાં તેણે પોતાની એક્ટિંગથી પોતાની સાબિત કરી છે. પ્રિયંકાના પિતા અશોક ચોપરા અને તેની માતા મધુ ચોપરા બંને ભારતીય સેનામાં ડોક્ટર તરીકે સેવા આપી ચૂક્યા છે. પ્રિયંકાના પિતાનું વર્ષ 2013માં નિધન થયું હતું.