રણબીર કપૂર અને આલિયા ભટ્ટે 14 એપ્રિલે પોતાના પાંચ વર્ષના સંબંધોને નવું નામ આપીને મુંબઈમાં લગ્ન કર્યા હતા. રણબીર અને આલિયાના લગ્નને લઈને ઘણા સમયથી ચર્ચા ચાલી રહી હતી. બંનેએ પહેલા 13 એપ્રિલે સગાઈ કરી અને પછી બીજા જ દિવસે ઈન્ડસ્ટ્રીના આ લોકપ્રિય કપલ લગ્નના બંધનમાં બંધાઈ ગઈ.
રણબીર જ્યારે ભટ્ટ પરિવારના જમાઈ બન્યા, તો આલિયા કપૂર પરિવારની વહુ બની ગઈ. માહિતી માટે જણાવી દઈએ કે આલિયા હિન્દી સિનેમાના સૌથી મોટા અને પ્રખ્યાત પરિવાર કપૂર પરિવારની 11મી વહુ બની છે. તેના પહેલા કપૂર પરિવારની 10 વહુઓ કોણ-કોણ બની. ચાલો આજે તમને તેમના વિશે જણાવીએ.
રામસરની મેહરા કપૂર: હિન્દી સિનેમામાં કપૂર પરિવારની શરૂઆત થઈ હતી પૃથ્વીરાજ કપૂર સાથે. પૃથ્વીરાજ કપૂર રાજ કપૂર, શમ્મી કપૂર અને શશિ કપૂરના પિતા હતા. પૃથ્વીરાજ કપૂરે રામસરની મેહરા કપૂર સાથે લગ્ન કર્યા હતા. જો કે, તમને જણાવી દઈએ કે રામસરની મેહરા કપૂર હંમેશા હેડલાઈન્સથી દૂર રહે છે.
કૃષ્ણા મલ્હોત્રા કપૂર: કૃષ્ણા મલ્હોત્રા કપૂર શોમેનના નામથી પ્રખ્યાત રહેલા રાજ કપૂરની પત્ની હતી. રાજ અને કૃષ્ણાના લગ્ન વર્ષ 1940માં થયા હતા. બંને ત્રણ પુત્રો રણધીર કપૂર, ઋષિ કપૂર અને રાજીવ કપૂર અને બે પુત્રીઓના માતા-પિતા બન્યા હતા.
ગીતા બાલી કપૂર અને નીલા દેવી કપૂર: ગીતા બાલી કપૂર અને નીલા દેવી કપૂર બંને પ્રખ્યાત અભિનેતા શમ્મી કપૂરની પત્નીઓ હતી. શમ્મીએ પહેલા લગ્ન 1959માં અભિનેત્રી ગીતા બાલી સાથે કર્યા હતા. તેમના મૃત્યુ પછી, શમ્મીએ બીજા લગ્ન વર્ષ 1959 માં નીલા દેવી કપૂર સાથે કર્યા હતા.
બબીતા કપૂર: બબીતા કપૂર પોતાના જમાનાની પ્રખ્યાત અભિનેત્રી રહી છે. તે અભિનેતા રણધીર કપૂરની પત્ની અને કરિશ્મા કપૂર અને કરીના કપૂરની માતા છે. રણધીર અને બબીતાના લગ્ન વર્ષ 1975માં થયા હતા.
નીતુ સિંહ: અભિનેત્રી નીતુ સિંહે દિગ્ગજ અને દિવંગત અભિનેતા ઋષિ કપૂર સાથે વર્ષ 1980માં લગ્ન કર્યા હતા. બંનેને બે બાળકો પુત્રી રિદ્ધિમા કપૂર સાહની અને પુત્ર રણબીર કપૂર છે.
આરતી સભરવાલ કપૂર: રાજ કપૂરના સૌથી નાના પુત્ર અને દિવંગત અભિનેતા રાજીવ કપૂરે આરતી સભરવાલ કપૂર સાથે લગ્ન કર્યા હતા. જો કે, બંનેનો સંબંધ લાંબા સમય સુધી ટકી શક્યો નહીં. ટૂંક સમયમાં જ બંને અલગ થઈ ગયા હતા.
પ્રીતિ કપૂર: દિવંગત અભિનેતા શમ્મી કપૂરના પુત્ર આદિત્ય રાજ કપૂરે પ્રીતિ કપૂર સાથે લગ્ન કર્યા હતા. નોંધપાત્ર છે કે આદિત્ય રાજ કપૂરે પણ ફિલ્મોમાં કામ કર્યું, જોકે તેની ફિલ્મી કારકિર્દી ફ્લોપ રહી અને ટૂંક સમયમાં તેમણે ફિલ્મ ઈન્ડસ્ટ્રી છોડી દીધી હતી.
શીના સિપ્પી: શીના સિપ્પી અભિનેતા કુણાલ કપૂરની પત્ની બની હતી. શીના ફિલ્મ નિર્દેશક રમેશ સિપ્પીની પુત્રી છે જ્યારે કુણાલ કપૂર અભિનેતા શશિ કપૂરના પુત્ર છે.
લોર્ના કપૂર: આ લિસ્ટમાં આગળનું અને છેલ્લું નામ લોર્ના કપૂર છે. લોર્ના એક્ટર કરણ કપૂરની પત્ની છે. કરણ કપૂર શશિના બીજા પુત્ર છે. કરણ અને લોર્ના બે બાળકોના માતા-પિતા છે.
