મૃત્યુ પછી પુરુ થઈ રહ્યું છે સુશાંત સિંહ રાજપૂતનું સપનું, આ એવોર્ડથી થશે સન્માનિત

બોલિવુડ
  • બોલીવુડ અભિનેતા સુશાંત સિંહ રાજપૂતનાં મોતનાં સમાચાર લગભગ અઢી મહિના પહેલા સામે આવ્યા તો આખો દેશ સ્તબ્ધ થઈ ગયો હતો. કોઈ પણ વિશ્વાસ કરી રહ્યા ન હતા કે આવા ખુશ અભિનેતા આટલું જલ્દી આ દુનિયાને હંમેશા માટે અલવિદા કહીને ચાલ્યા ગયા છે.

  • સુશાંતના અવસાનને લગભગ અઢી મહિના વીતી ગયા, છતા પણ હજી તેમનું નામ લોકોની જીભમાંથી ઉતર્યું નથી. જે પ્યાર  સુશાંત સિંહ રાજપૂતને તેના મૃત્યુ પછી તેના ચાહકો તરફથી મળી રહ્યો છે, તે પ્યાર તે જીવતા જોવા ઇચ્છતો હતો. આ જ કારણે સુશાંત સિંહ રાજપૂતને તેના ચાહકો ભૂલી શકતા નથી.

  • સુશાંત સિંહ રાજપૂતનાં અવસાન પછી હવે સરકાર પણ તેમનું સન્માન કરવાની ઇચ્છા કરી રહી છે. થોડા સમય પહેલા જ એવી જાહેરાત કરવામાં આવી હતી કે સુશાંતસિંહ રાજપૂતને મરણોપરાંત દાદાસાહેબ ફાલ્કે એવોર્ડથી સન્માનિત કરવામાં આવશે.
  • ભારતનો ઓસ્કાર

  • જણાવી દઇએ કે જેટલું મહત્વ ઓસ્કાર એવોર્ડનું છે,તેટલું જ મહત્વ દાદાસાહેબ ફાલ્કે એવોર્ડનું પણ છે. દરેક ફિલ્મ સ્ટારને તેમના જીવનકાળમાં દાદાસાહેબ ફાલ્કે એવોર્ડ પ્રાપ્ત કરવાનું સપનું છે. સુશાંતસિંહ રાજપૂતે પણ દાદા સાહેબ ફાલ્કે એવોર્ડની ટ્રોફી ઉપાડવાનું સ્વપ્ન જોયું હતું. જીવતા ભલે તેનું આ સ્વપ્ન પરિપૂર્ણ ન થઈ શક્યું, પરંતુ હવે તેના મૃત્યુ પછી, આ સ્વપ્ન પૂર્ણ થવાનું છે.

  • ભારતના સૂચના અને પ્રસારણ મંત્રાલય દ્વારા ટૂંક સમયમાં દાદા સાહેબ ફાલ્કે એવોર્ડ્સ, 2021 નું આયોજન થવાનું છે. સૂત્રો જણાવી રહ્યા છે કે આ વખતે મંત્રાલય દ્વારા દાદાસાહેબ ફાલ્કે એવોર્ડની તૈયારી કરવામાં આવી રહી છે. એવું કહેવામાં આવી રહ્યું છે કે સુશાંત સિંહ રાજપૂતની યાદમાં ટૂંક સમયમાં જ  સૂચના અને પ્રસારણ મંત્રાલય દ્વારા એક વિશેષ ઉત્સવનું આયોજન કરવામાં આવી શકે છે, જ્યાં સુશાંત સિંહ રાજપૂતની ફિલ્મો પ્રદર્શિત કરવામાં આવશે.

  • એવું કહેવામાં આવી રહ્યું છે કે સુશાંત સિંહ રાજપૂતનાં મોતને કારણે આખું ફિલ્મ ઉદ્યોગ સ્તબ્ધ છે. જે સન્માન તેઓ જીવતા પ્રાપ્ત કરી શક્યા નહીં, હવે તેમના મૃત્યુ પછી તેને આ સન્માન આપવા માટેની તૈયારીઓ કરવામાં આવી રહી છે. તેમની સાથે જે અન્યાય થયો છે તેને સુધારવા માટે આ પગલું લેવામાં આવી રહ્યું છે.

  • સરકાર અલગથી એક ફિલ્મ ફેસ્ટિવલ યોજવાના પક્ષમાં છે જ્યાં સુશાંતસિંહ રાજપૂતની ફિલ્મો બતાવીને તેને યાદ કરવામાં આવશે. રાષ્ટ્રીય પુરસ્કારોમાં પણ સુશાંત સિંહ રાજપૂતને મરણોપરાંત સમ્માનિત કરવાના સમાચાર સામે આવી રહ્યા છે.
  • ક્યારેય ન મળ્યો ફિલ્મફેર એવોર્ડ

  • નોંધપાત્ર વાત એ છે કે સુશાંત સિંહ રાજપૂત છેલ્લા 11 વર્ષથી ફિલ્મ જગતમાં કામ કરી રહ્યો હતો. આ સમય દરમિયાન તેમને ક્યારેય ફિલ્મફેર એવોર્ડ આપવામાં આવ્યો ન હતો. તેમની આખી કારકિર્દી દરમિયાન સુશાંત સિંહ રાજપૂતને ફક્ત બે સ્ક્રીન એવોર્ડ જ મળી શક્યા, જ્યારે સુશાંત સિંહ રાજપૂતની ફિલ્મ ‘એમએસ ધોની: ધ અનટોલ્ડ સ્ટોરી’ ખૂબ પસંદ કરવામાં આવી હતી. મેલબર્ન ઇન્ડિયન ફિલ્મ ફેસ્ટિવલમાં તેમને આ માટે બેસ્ટ એક્ટરનો એવોર્ડ પણ મળ્યો હતો.
  • જણાવી દઈએ કે સુશાંત 14 જૂને તેના મુંબઈના ફ્લેટમાં મૃત હાલતમાં મળી આવ્યો હતો. ત્યારપછીથી તેમના મોત અંગેની તપાસ ચાલી રહી છે. પહેલા મુંબઈ પોલીસે તપાસ શરૂ કરી હતી. ત્યારપછી બિહાર પોલીસે પણ તપાસ શરૂ કરી હતી. હાલમાં સીબીઆઈ આ કેસની તપાસ કરી રહી છે.
  • સુશાંતના મોત પછી તે બહાર આવ્યું છે કે તેની ફેન ફોલોઇંગ કેટલી જબરદસ્ત છે. તેમના કામની જોરદાર પ્રશંસા આ પછી થવા લાગી. કહેવામાં આવી રહ્યું છે કે આ કારણથી જ તેમને મરણોપરાંત દાદાસાહેબ ફાલ્કે એવોર્ડથી સન્માનિત કરવાનો નિર્ણય લેવામાં આવ્યો છે. જો કે, એવોર્ડ સમારોહ ક્યારે થશે,હાલમાં તેની તારીખની જાહેરાત કરવામાં આવી નથી.
  • કેલિફોર્નિયા રાજ્ય વિધાનસભા તરફથી સન્માન

  • જો કે, સુશાંતને મરણોપરાંત કેલિફોર્નિયામાં સમ્માનિત કરી ચુકાયો છે. સિનેમામાં તેમના યોગદાન બદલ કેલિફોર્નિયા સ્ટેટ એસેમ્બલી તરફથી સુશાંતને મરણોપરાંત વિશેષ સમ્માન આપવામાં આવ્યું હતું. તેની બહેન શ્વેતા સિંહ કીર્તિએ તેના ભાઈ સુશાંત માટે આ સન્માનને મેળવ્યું હતું અને સોશિયલ મીડિયા દ્વારા આ માહિતી શેર કરી હતી.
  • સુશાંતે તેની કારકિર્દી દરમિયાન 12 ફિલ્મોમાં કામ કર્યું હતું. શરૂઆત તેણે ‘કાઈ પો છે’ ફિલ્મથી કરી હતી. પછી તે શુદ્ધ દેશી રોમાંસ અને છીછોરે જેવી ફિલ્મોમાં પણ જોવા મળ્યો હતો. તેમની છેલ્લી ફિલ્મ દિલ બેચરા હતી, જે તેમના મૃત્યુ પછી ઓટીટી પ્લેટફોર્મ પર રિલીઝ થઈ. તેને પણ દર્શકોએ ખૂબ પ્રેમ આપ્યો છે.

Leave a Reply

Your email address will not be published.