દિયા ઔર બાતી હમ અભિનેત્રી પ્રાચી તેહલાનના થઈ ગયા લગ્ન,જાણો તેની લવ સ્ટોરી વિશે…

Uncategorized મનોરંજન
  • પ્રાચી તેહલાન ટીવીની લોકપ્રિય એક્ટ્રેસ છે.દીયા ઔર બાતી હમ નામની સિરિયલમાં તેણે આરજુ રાઠીની ભૂમિકા નિભાવી હતી.આ સીરિયલમાં તેના અભિનય માટે પ્રાચીની વિષેશ ઓળખાણ છે.પ્રાચી તેહલાન હવે લગ્નના બંધનમાં બંધાઈ ગઈ છે.જી હા,તેણે દિલ્હીના ઉદ્યોગપતિ રોહિત સરોહા સાથે ગયા શુક્રવારે લગ્ન કર્યા. પ્રાચીએ તેના ઈન્સ્ટાગ્રામ એકાઉન્ટ દ્વારા તેના લગ્નની ઘણી સુંદર તસવીરો તેના ચાહકો સાથે શેર કરી છે.

  • પ્રાચીએ તેના લગ્ન વિશે જણાવ્યું છે કે બધું ખૂબ સારી રીતે થયું છે. તેને આ વાતની ખૂબ ખુશી છે. કોરોના સંકટના કારણે, લગ્ન સમયે સામાજિક અંતરની પણ કાળજી લેવામાં આવી હતી. આ સમય દરમિયાન દરેક વ્યક્તિએ માસ્ક પહેર્યો હતો.
  • બ્રેકઅપ પછી ફરી મળ્યા

  • નોંધપાત્ર વાત એ છે કે પહેલી વાર પ્રાચી અને રોહિતની મુલાકાત વર્ષ 2012 માં થઈ હતી. આ બંનેના સંબંધ આગળ વધી રહ્યા હતા કે તેમનો અચાનક બ્રેકઅપ થઈ ગયો. જો કે લોકડાઉન દરમિયાન ફરી એકવાર બંને વચ્ચે વાતચીત શરૂ થઈ હતી. પછી તેઓએ લગ્ન કરવાનું નક્કી કર્યું.
  • પોતાની એક્ટિંગ કારકિર્દીની શરૂઆત પ્રાચીએ વર્ષ 2014 માં સીરિયલ દિયા ઔર બાતી હમથી કરી હતી. તેણે એક્યાવન નામના ટીવી શોમાં પણ કામ કર્યું છે. પ્રાચી તેહલાને માત્ર ટીવીમાં જ નહીં પરંતુ ફિલ્મોમાં પણ કામ કર્યું છે. તેણે ઘણી પંજાબી, તેલુગુ અને મલયાલમ ફિલ્મોમાં પણ કામ કર્યું છે.
  • મળી રહ્યા અભિનંદન

  • સોશિયલ મીડિયા પર ફોટો શેર કર્યા બાદ પ્રાચીને ચારે બાજુથી અભિનંદન મળવા લાગ્યા છે. તેના ચાહકોની સાથે સેલિબ્રિટી પણ તેને લગ્નની શુભેચ્છા પાઠવી રહ્યા છે. કોરોના માર્ગદર્શિકાઓને કારણે, તેમના લગ્નમાં ફક્ત 50 લોકો જ હાજર થયા હતા. પ્રાચીને તે પહેલા તેની મહેંદી અને ગૌરી પૂજાના ફોટા શેર કરતી જોવા મળી હતી. રોહિત સાથે તેની સંગીત સેરેમનીના ફોટોઝ ખૂબ પસંદ કરવામાં આવ્યા હતા.
  • શેર કર્યો લગ્નનો પ્રી-પ્લાન

  • પ્રાચીએ લગ્નના પ્રી-પ્લાન વિશે પણ જણાવ્યું હતું. તેમણે કહ્યું કે અમારા લગ્નની પહેલી રશમની શરૂઆત 2 ઓગસ્ટથી શરૂ થઈ હતી. રક્ષાબંધનના દિવસે આમંત્રણની રશમ કરી હતી, આ દિવસે અમે મામાના ઘરે આમંત્રણ લઈને જઇએ છીએ. કોરોના મહામારીને કારણે અમે ડેસ્ટિનેશન વેડિંગનું આયોજન કર્યું નથી.
  • તેની લવ સ્ટોરી વિશે પણ પ્રાચીએ જણાવ્યું. તેણે કહ્યું હતું કે રોહિત તેના પિતરાઇ ભાઈના લગ્નમાં છોકરીવાળા તરફથી આવ્યો હતો. પ્રાચીએ કહ્યું કે મારી ભાભી તેની બાળપણની મિત્ર છે. તે લગ્નમાં તેણે મને પહેલી વાર જોઈ હતી અને ત્યારેજ મને પસંદ કરી લીધી હતી.

  • વર્ષ 2012 માં મારી અને તેમની વાતચીત શરૂ થઈ હતી, પરંતુ તે સમયે અમે બંને કારકિર્દી પર ધ્યાન આપી રહ્યા હતા. અમે બંનેએ લગભગ ત્રણ-ચાર મહિના સુધી વાતચીત કરી, પરંતુ તે સમયે કંઈ વર્કઆઉટ્સ થઈ શક્યા નહીં. પ્રાચીએ કહ્યું કે, લોકડાઉન દરમિયાન જ્યારે અમારી વાતચીત ફરી શરૂ થઈ ત્યારે અમને સમજાયું કે અમારી અંદર હજી પણ લાગણીઓ છે. આ પછી બધું આપમેળે થતું રહ્યું.

Leave a Reply

Your email address will not be published.